കോഴിക്കോട് : ജില്ലാ വിദ്യാഭ്യാസ പരിശീലന കേന്ദ്രത്തിന്റെയും(ഡയറ്റ്) കാരന്തൂർ മർകസ് ഇംഗ്ലീഷ് മീഡിയം സ്കൂളിന്റെയും സംയുക്താഭിമുഖ്യത്തിൽ സംഘടിപ്പിക്കുന്ന ദ്വിദിന ദേശീയ ശിൽപശാല ഇന്ന് ആരംഭിക്കും. കാലാവസ്ഥാ വ്യതിയാനം-വിദ്യാഭ്യാസം, ബോധവത്കരണം, പരിശീലനം' എന്ന പ്രമേയത്തിൽ കാരന്തൂർ മെംസ് ഇന്റർനാഷണിൽ നടക്കുന്ന ശിൽപശാല ജില്ലാ കലക്ടർ ഡോ. എൻ തേജ് ലോഹിത് റെഡ്ഢി ഐ എ എസ് ഉദ്ഘാടനം ചെയ്യും. ഇന്ത്യയിലെ വിവിധ സംസ്ഥാനങ്ങളിൽ നിന്നും തെരഞ്ഞെടുക്കപെട്ട പ്രൈവറ്റ്  പ്രതിനിധികളും ജില്ലയിലെ അൻപതോളം വരുന്ന സർക്കാർ സ്കൂളിലെ പ്രതിനിധികളും  ശിൽപശാലയിൽ പങ്കെടുക്കും. കഴിഞ്ഞ വർഷം നവംബറിൽ മർകസ് നോളേജ് സിറ്റിയിൽ നടന്ന അന്താരാഷ്ട്ര കാലാവസ്ഥാ സമ്മിറ്റിന്റെ തുടർ പദ്ധതികളുടെ ഭാഗമായി ജില്ലാ കളക്ടറുടെ എജു മിഷൻ പ്രൊജക്ടുമായി സഹകരിച്ചാണ്   ശിൽപശാല സംഘടിപ്പിച്ചിട്ടുള്ളത്. മർകസ് ഡയറക്ടർ ജനറൽ സി മുഹമ്മദ് ഫൈസി മുഖ്യ പ്രഭാഷണം നടത്തും. മർകസ് നോളേജ് സിറ്റി മാനേജിങ് ഡയറക്ടർ, ഡോ .മുഹമ്മദ് അബ്ദുൽ ഹക്കിം അസ്ഹരി  മുഖ്യാ തിഥിയാകും. ഡയറ്റ് പ്രിൻസിപ്പൽ വിവി പ്രേമരാജൻ, ഇകെ കുട്ടി, വി ശശികുമാർ, ഡോ. അഭിലാഷ് എസ്, ഡോ. മുഹമ്മദ് ശഹീൻ, ഡോ. എംകെ രവിവർമ,  കെഎം അബ്ദുൽ ഖാദർ, സിപി ചന്ദ്രശേഖരൻ, ഡോ. അബ്ദുൽ നാസർ യുകെ, കെ ജയറാം, ഷാജി യുകെ തുടങ്ങിയവർ വിവിധ സെഷനുകൾക്ക് നേതൃത്വം നൽകും.