നബിദിന പുലരിയില് ആത്മീയ അനുഭൂതി പകര്ന്ന് അല് മൗലിദുല് അക്ബര്
മർകസ് നോളജ് സിറ്റിയിലെ ജാമിഉൽ ഫുതൂഹിൽ നടന്ന അൽമൗലിദുൽ അക്ബറിന് ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്ലിയാർ നേതൃത്വം നൽകുന്നു
മർകസ് നോളജ് സിറ്റിയിലെ ജാമിഉൽ ഫുതൂഹിൽ നടന്ന അൽമൗലിദുൽ അക്ബറിന് ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്ലിയാർ നേതൃത്വം നൽകുന്നു
നോളജ് സിറ്റി: പ്രവാചകര് മുഹമ്മദ് നബി (സ്വ)യുടെ പിറവികൊണ്ട് അനുഗ്രഹീതമായ നബിദിനത്തിന്റെ പുലരിയില് ആത്മീയ അനുഭൂതി പകര്ന്ന് ജാമിഉല് ഫുതൂഹില് നടന്ന അല് മൗലിദുല് അക്ബര്. പുലര്ച്ചെ 3.30ഓടെ ആരംഭിച്ച സംഗമത്തിന് ആയിരക്കണക്കിന് പ്രവാചക സ്നേഹികളാണ് എത്തിയത്. രാജ്യത്ത് തന്നെ ഏറ്റവും വലിയ പ്രഭാത മൗലിദ് ആണ് ജാമിഉൽ ഫുതൂഹിൽ നടന്നത്.
ഇന്ത്യന് ഗ്രാന്ഡ് മുഫ്തി കാന്തപുരം എ.പി അബൂബക്കർ മുസ് ലിയാർ നബിദിന സന്ദേശപ്രഭാഷണം നടത്തി. വിശ്വാസികള് ഏത് സാഹചര്യത്തിലും ആത്മസംയമനവും വ്യക്തിശുദ്ധിയും പാലിക്കണമെന്ന് അദ്ദേഹം പറഞ്ഞു. അതോടൊപ്പം, അച്ചക്കത്തോടെ മാത്രമേ എല്ലായിടത്തും ഇടപെടാന് പാടുള്ളൂ എന്നും അദ്ദേഹം കൂട്ടിച്ചേര്ത്തു. സയ്യിദ് അലി ബാഫഖി, ശൈഖ് ഉസാമ രിഫാഈ ലബനാന്, സയ്യിദ് ശിഹാബുദ്ദീന് അഹ്ദല് മുത്തന്നൂര്, സയ്യിദ് ശാഫി ബാ അലവി വളപട്ടണം, ഡോ. അബ്ദുല് ഹകീം അസ്ഹരി, അബ്ദുന്നാസിര് അഹ്സനി ഒളവട്ടൂര്, കുറ്റൂര് അബ്ദുര്റഹ്മാന് ഹാജി, ഫാര്വുഡ് ഫാറൂഖ് ചെന്നൈ, ശൈഖ് മുഹമ്മദ് അല്മദാനി ടുണീഷ്യ, ശൈഖ് അനീസ് മര്സൂഖ് ടുണീഷ്യ തുടങ്ങിയവര് നേതൃത്വം നല്കി. മൗലിദ് പാരായണം, കീര്ത്തന ആലാപനം, പ്രാര്ഥന, തിരുശേഷിപ്പുകളുടെ പ്രദര്ശനം, ഗ്രന്ഥപ്രകാശനം, അന്നദാനം തുടങ്ങിയവ നടന്നു.
ഞായറാഴ്ച നടക്കുന്ന അന്താരാഷ്ട്ര മീലാദ് സമ്മേളനത്തിനായുള്ള വലിയ ഒരുക്കങ്ങളാണ് നോളജ് സിറ്റിയില് നടക്കുന്നത്. വിദേശപ്രതിനിധികള് ഉള്പ്പെടെയുള്ളവരെത്തുന്ന മീലാദ് സമ്മേളനത്തിനായി പതിനായിരങ്ങള് നോളജ് സിറ്റിയില് എത്തും.
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
മാനവ ഐക്യം വിളംബരം ചെയ്ത് മലേഷ്യയിൽ നടന്ന അന്താരാഷ്ട്ര മതനേതൃത്വ സമ്മേളനം...
തത്പരരായ ഏത് പ്രായക്കാര്ക്കും വിദ്യാഭ്യാസ യോഗ്യതകള്ക്കപ്പുറം അവസരം...
സമർഖന്ദിലെ ഇമാം ബുഖാരി സന്നിധിയിൽ നടന്ന ദർസിൽ പങ്കെടുത്തത് 20 രാജ്യങ്ങളിൽ നിന്നുള്ള പണ്ഡിതർ...
ഹദീസ് പഠനമേഖലയിലെ സംഭാവനകൾക്ക് ആഗോള പ്രശംസ...
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
© Copyright 2024 Markaz Live, All Rights Reserved