നോളജ് സിറ്റി: ജീവനക്കാർ അണിനിരന്ന മിസ്കുൽ ഖിതമോടെ മർകസ് നോളജ് സിറ്റിയിലെ മീലാദ് ക്യാമ്പയിൻ സിതായിഷിന് സമാപനം കുറിച്ചു. അന്താരാഷ്ട്ര മീലാദ് സമ്മേളനം, അൽമൗലിദുൽ അക്ബർ, സുഹ്ബ ആത്മീയ ക്യാമ്പ്, സ്നേഹ യാത്ര, ഹലാവ മദീന, മീലാദ് റാലി തുടങ്ങിയ നിരവധി പരിപാടികളാണ് റബിഉൽ അവ്വൽ ഒന്ന് മുതൽ നോളജ് സിറ്റിയിൽ നടത്തിയത്.
ഇന്നലെ (ബുധൻ ) നടന്ന മിസ്കുൽ ഖിതാം മുഹമ്മദ് അലി സഖാഫി പൂനൂർ ഉദ്ഘാടനം ചെയ്തു. റഷീദ് സഖാഫി മലേഷ്യ അധ്യക്ഷത വഹിച്ചു. സംഗമത്തിൽ സ്റ്റാഫുകളുടെ കലാ പരിപാടികൾ, ദഫ് പ്രദർശനം തുടങ്ങിയവ നടന്നു. ഇബ്രാഹിം സഖാഫി താത്തൂർ മുഖ്യപ്രഭാഷണം നടത്തി. ഡോ. അമീർ ഹസൻ ഓസ്ട്രേലിയ, അബ്ദുല്ലത്വീഫ് പൂവ്വത്തിക്കൽ, ഇർഷാദ് നൂറാനി സംസാരിച്ചു.
ഡോ. അബ്ദുസ്സലാം മുഹമ്മദ്, അഡ്വ. തൻവീർ ഉമർ, അലിക്കുഞ്ഞി മുസ്ലിയാർ, ഡോ. യു കെ മുഹമ്മദ് ശരീഫ് സംബന്ധിച്ചു.