കോഴിക്കോട്: മര്കസ് യുനാനി മെഡിക്കല് കോളജില് നിന്ന് പഠനം പൂര്ത്തീകരിച്ച 211 ഡോക്ടര്മാര് നാളെ (ശനി) ബിരുദം സ്വീകരിക്കും. കേരള ആരോഗ്യ സര്വകലാശാലക്കും സെന്ട്രല് കമ്മീഷന് ഫോര് ഇന്ത്യന് സിസ്റ്റം ഓഫ് മെഡിസിനും കീഴില് നാല് ബാച്ചുകളിലായി പഠനം പൂര്ത്തീകരിച്ചവരാണ് ബിരുദം സ്വീകരിക്കുന്നത്.
മര്കസ് നോളജ് സിറ്റിയിലെ വലന്സിയ ഗലേറിയയില് വെച്ച് നടക്കുന്ന ബിരുദദാന സമ്മേളനം ഉന്നതവിദ്യാഭ്യാസ മന്ത്രി ഡോ. ആര് ബിന്ദു ഉദ്ഘാടനം ചെയ്യും. ലിന്റോ ജോസഫ് എം എല് എ മുഖ്യാതിഥിയാകും. നിലവില് വിദേശത്തുള്പ്പെടെ തുടര്പഠനം നടത്തുന്നവരും സര്ക്കാര്- സ്വകാര്യ മേഖലയില് സേവനം ചെയ്യുന്നവരും ഉള്പ്പെടെയുള്ളവരാണ് ബിരുദം സ്വീകരിക്കുന്നത്.
പ്രിന്സിപ്പല് പ്രൊഫ. ശാഹുല് ഹമീദ് അധ്യക്ഷത വഹിക്കും. അഡ്വ. തന്വീര് ഉമര്, ഡോ. സയ്യിദ് നിസാം റഹ്മാന്, യൂസുഫ് നൂറാനി, എച്ച് ഒ ഡിമാരായ ഡോ. സല്മ ബാനു, ഡോ. സഹൂറുല്ല, ഡോ. ഉന്വാന്, അഡ്മിനിസ്ട്രേറ്റര് ടി പി റഹീമ സംബന്ധിക്കും. കഴിഞ്ഞ ഒമ്പത് വര്ഷമായി മര്കസ് നോളജ് സിറ്റിയില് പ്രവര്ത്തിക്കുന്ന മര്കസ് യുനാനി മെഡിക്കല് കോളജ് കേരളത്തിലെ ഏക യുനാനി മെഡിക്കല് കോളജാണ്.
കേരളത്തിന് പുറമെ ഉത്തരാഖണ്ഡ്, കര്ണാടക, മഹാരാഷ്ട്ര, തമിഴ്നാട് എന്നീ സംസ്ഥാനങ്ങളില് നിന്നുള്ള വിദ്യാര്ഥികളാണ് മെഡിക്കല് പഠനം പൂര്ത്തീകരിച്ചത്. പത്തോളം സംസ്ഥാനങ്ങളില് നിന്നായി മുന്നൂറോളം വിദ്യാര്ഥികളാണ് നിലവില് മര്കസ് യുനാനി മെഡിക്കല് കോളജില് പഠനം നടത്തുന്നത്.
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
മാനവ ഐക്യം വിളംബരം ചെയ്ത് മലേഷ്യയിൽ നടന്ന അന്താരാഷ്ട്ര മതനേതൃത്വ സമ്മേളനം...
തത്പരരായ ഏത് പ്രായക്കാര്ക്കും വിദ്യാഭ്യാസ യോഗ്യതകള്ക്കപ്പുറം അവസരം...
സമർഖന്ദിലെ ഇമാം ബുഖാരി സന്നിധിയിൽ നടന്ന ദർസിൽ പങ്കെടുത്തത് 20 രാജ്യങ്ങളിൽ നിന്നുള്ള പണ്ഡിതർ...
ഹദീസ് പഠനമേഖലയിലെ സംഭാവനകൾക്ക് ആഗോള പ്രശംസ...
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
© Copyright 2024 Markaz Live, All Rights Reserved