നോളജ് സിറ്റി: ജാമിഉല്‍ ഫുതൂഹിലെ മാസാന്ത ആത്മീയ സംഗമം ഹള്‌റ മാര്‍ച്ച് 8 വെള്ളിയാഴ്ച നടക്കും. മഗ്രിബ് നിസ്‌കാരനന്തരം നടക്കുന്ന മജ്്ലിസിന് പ്രമുഖ പണ്ഡിതന്‍മാരും സാദാത്തുക്കളും നേതൃത്വം നല്‍കും. പ്രഭാഷണം, വിര്‍ദുല്ലത്വീഫ്, ഹള്റത്തുല്‍ ഖാദിരിയ്യ, ബദ്‌രിയ്യ എന്നിവ സംഗമത്തില്‍ നടക്കും. സി പി ശാഫി സഖാഫി ദികര്‍ മജ്്ലിസിന് നേതൃത്വം നല്‍കും. സയ്യിദ് ശാഫി ബാ അലവി വളപട്ടണം പ്രാര്‍ഥന നടത്തും. സയ്യിദ് അബ്ദുര്‍റഹ്‌മാന്‍ ബാഫഖി, ഡോ. എ പി അബ്ദുല്‍ ഹകീം അസ്ഹരി, സയ്യിദ് ഹാശിം ജീലാനി, ഇബ്റാഹീം സഖാഫി താത്തൂര്‍, സഹല്‍ ശാമില്‍ ഇര്‍ഫാനി, മുഹിയദ്ദീന്‍ ബുഖാരി, ജമാലുദ്ദീന്‍ അഹ്സനി മഞ്ഞപ്പറ്റ, സി എസ് മുഹമ്മദ് ഫൈസി, അഡ്വ. സുഹൈല്‍ സഖാഫി നല്ലളം തുടങ്ങിയവര്‍ സംബന്ധിക്കും.