കെയ്‌റോ: ഈജിപ്റ്റിലെ കെയ്‌റോ അസ്ഥാനമാക്കി പ്രവര്‍ത്തിക്കുന്ന ഗവേഷണ- പ്രസിദ്ധീകരണ കേന്ദ്രം ദാറുസ്സ്വാലിഹുമായി മര്‍കസ് നോളജ് സിറ്റിയിലെ മലൈബാര്‍ ഫൗണ്ടേഷന്‍ ധാരണാപത്രം ഒപ്പിട്ടു. ഗവേഷണ- പ്രസിദ്ധീകരണ മേഖലയില്‍ പരസ്പരം സഹകരിക്കാനാണ് ദാറുസ്സ്വാലിഹുമായി മലൈബാര്‍ ഫൗണ്ടേഷന്‍ ധാരണയായത്. ഇതുവഴി ഇന്ത്യയിലെയും ഈജിപ്തിലെയും വിവിധ ചരിത്ര പ്രസിദ്ധമായ കേന്ദ്രങ്ങളെ കുറിച്ചും ഗ്രന്ഥങ്ങളെ കുറിച്ചും മറ്റും ആഴത്തിലുള്ള പഠനത്തിനാണ് വഴിതുറക്കുന്നത്. കെയ്റോ യിലെ ദാറു സ്വാലിഹ് ആസ്ഥാനത്തു നടന്ന കൂടിക്കാഴ്ചയില്‍ മലൈബാര്‍ ഫൗണ്ടേഷന്‍ ചെയര്‍മാന്‍ ഡോ. അബ്ദുല്‍ ഹകിം അസ്ഹരിയും ദാറുസ്സ്വാലിഹ് ഡയറക്ടര്‍ മുഹമ്മദ് മഹമൂദ് തൗഫീഖും തമ്മില്‍ ധാരണാ പത്രത്തില്‍ ഒപ്പുവെച്ചു.