പൂനൂര്‍: പഠന പ്രയാസം നേരിടുന്ന കുട്ടികള്‍ക്ക് പരിഹാര ബോധന പദ്ധതിക്ക് കാന്തപുരം ഈസ്റ്റ് എ എം എല്‍ പി സ്‌കൂളില്‍ തുടക്കമായി. ഹാബിറ്റസ് ലൈഫ് സ്‌കൂളിന്റെ സഹകരണത്തോടെ മര്‍കസ് നോളജ് സിറ്റി ട്രസ്റ്റാണ് വില്ലേജ് എംപവര്‍മെന്റ് പ്രൊജക്ടില്‍ ഉള്‍പ്പെടുത്തി പദ്ധതി നടപ്പാക്കുന്നത്. എഴുതാനും അക്ഷരങ്ങള്‍ തിരിച്ചറിയാനുമുള്ള പ്രയാസവും മറ്റും നേരിടുന്ന കുട്ടികളെ കണ്ടെത്തുകയും അവരെ മറ്റു കുട്ടികളുടെ കൂടെ പഠിക്കാന്‍ കഴിയുന്ന തരത്തില്‍ പ്രാപ്തരാക്കുകയുമാണ് പദ്ധതി വഴി ലക്ഷ്യമാക്കുന്നത്.

സാഹിത്യകാരന്‍ സുധന്‍ നന്മണ്ട ഉദ്ഘാടനം ചെയ്തു. സ്കൂൾ മാനേജ്മെൻ്റ് പ്രതിനിധി ശഫീഖ് കാന്തപുരം അധ്യക്ഷത വഹിച്ചു. നോളജ് സിറ്റി  സി എഫ് ഒ  യൂസുഫ് നൂറാനി മുഖ്യപ്രഭാഷണം നടത്തി. ഹാബിറ്റസ് സ്ഥാപകന്‍ അബ്ദു മാനിപുരം പദ്ധതി അവതരിപ്പിച്ചു.

അബ്ദുസ്സലാം കോളിക്കല്‍, സിദ്ദീഖ് അഹ്‌സനി, അശ്‌റഫ് സഖാഫി, നിയാസുദ്ദീന്‍ ഖുതുബി, സാബിത് ദേവര്‍ശോല സംസാരിച്ചു. എം എം സലീം, ഫിറോസ്, സാബിറ കെ, സക്കറിയ, ഹഫ്‌സത്ത് എ കെ സംബന്ധിച്ചു. പ്രധാനാധ്യാപിക കെ ശ്രീജ സ്വാഗതവും അബ്ദുല്‍ അസീസ് മാസ്റ്റര്‍ നന്ദിയും പറഞ്ഞു. മുബിശിര്‍ ഫാളിലി, ജഅ്ഫര്‍ സഖാഫി, റസല്‍ മദനി, സൈനുദ്ദീന്‍ അഹ്‌സനി, സാജിദ് സഖാഫി സംബന്ധിച്ചു.