നോളേജ് സിറ്റി:  യൂനാനി വാരാചരണത്തിന്റെ ഭാഗമായി ഏഴ് ദിവസത്തെ വിവിധ പരിപാടികളുമായി മര്‍കസ് യൂനാനി മെഡിക്കല്‍ കോളജ് അലുംനി അസ്സോസിയേഷന്‍ 'ഗൈഡ്'. ഫിബ്രുവരി മൂന്ന് മുതല്‍ 9 വരെയുള്ള ദിവസങ്ങളിലാണ് 'ഉറൂജ്' എന്ന പേരില്‍ ക്യാമ്പയിന്‍ സംഘടിപ്പിക്കുന്നത്.
മര്‍കസ് യൂനാനി മെഡിക്കല്‍ കോളജ് പ്രിന്‍സിപ്പല്‍ പ്രൊഫ. ശൈഖ് ശാഹുല്‍ ഹമീദ് ക്യാമ്പയിന്‍ ഉദ്ഘാടനം ചെയ്തു. തുടര്‍ന്ന് നടന്ന പാനല്‍ ചര്‍ച്ചയില്‍ ഡോ. ഒ കെ എം അബ്ദുര്‍റഹ്മാന്‍. ഡോ. മുസമ്മില്‍ ഉനൈസ് കെ, ഡോ. മുഹമ്മദ് ഉവൈസ് സംസാരിച്ചു. നാളെ (ചൊവ്വ) ഉച്ചക്ക് 2ന് ക്വീന്‍സ് ലാന്‍ഡില്‍ നടക്കുന്ന ബോധവത്കരണ സെഷനില്‍ ഡോ. നഈമ എം സി, ഫാത്വിമ റജിയ, ഫാത്വിമ ഹിബ സംസാരിക്കും. വൈകിട്ട് 8ന് നടക്കുന്ന വെബിനാറില്‍ എന്‍ ഐ യു എം ജനറല്‍ മെഡിസിന്‍ മേധാവി ഡോ. മുഹമ്മദ് അലീമുദ്ദീന്‍ ഖമരി സംസാരിക്കും. ട്രൈബല്‍ മെഡിക്കല്‍ ക്യാമ്പ്, അംഗന്‍വാടി മെഡിക്കല്‍ ക്യാമ്പ്, പാനല്‍ ഡിസ്‌കഷനുകള്‍, വെബിനാര്‍, സെമിനാര്‍, പേപ്പര്‍ പ്രസന്റേഷനുകള്‍, ഹെര്‍ബല്‍ പ്ലാന്റേഷന്‍ ക്യാമ്പ്, അലുംനി ഗാതറിംഗ് എന്നിവയാണ് ക്യാമ്പയിനിന്റെ ഭാഗമായി നടക്കുന്നത്.