നോളജ് സിറ്റി: ദിനേന രണ്ടായിരത്തോളം ആളുകൾക്ക് ഇഫ്താർ വിരുന്നൊരുക്കി ശ്രദ്ധേയമാവുകയാണ് മർകസ് നോളജ് സിറ്റി ജാമിഉൽ ഫുതൂഹ് മസ്ജിദിലെ ഇഫ്താർ സംഗമം. നോമ്പ് ഒന്ന് മുതൽ ആരംഭിച്ച ഇഫ്താർ സംഗമമാണ് നോമ്പ് തുറക്കാനെത്തുന്നവരുടെ ബാഹുല്യം കൊണ്ട് ശ്രദ്ധ നേടുന്നത്. മർകസ് നോളജ് സിറ്റി കാണാനും ജാമിഉൽ ഫുതൂഹിലെ ആകാര ഭംഗിയും ആത്മീയ അനുഭൂതിയും നുകരാനുമായി കേരളത്തിനകത്തും പുറത്തും നിന്നുമായി ഒട്ടേറെപ്പേരാണ് ദിനേന ഇവിടെ എത്തുന്നത്. ഇതിനു പുറമെ യാത്രക്കാര്, പ്രദേശവാസികൾ, ഹോസ്പിറ്റലുകളിലെ രോഗികള്, കൂട്ടിരിപ്പുകാർ തുടങ്ങിയ എല്ലാവർക്കും ഏറെ സഹായകമായി വിഭവ സമൃദ്ധമായ വിഭവങ്ങളാണ് ഇഫ്താർ ഒരുക്കുന്നത്. റമളാൻ മുപ്പത് ദിവസങ്ങളിലും ഇഫ്താർ തുടരും. ജാമിഉൽ ഫുതൂഹ് മസ്ജിദിന്റെ ഒന്നാം നിലയിലെ റൂഫ് ടോപ് ഗാർഡനു സമീപത്ത് നടക്കുന്ന ഇഫ്താർ സംഗമം, സന്ധ്യാ സമയത്തെ നയനമനോഹരമായ കാഴ്ച കൂടിയാണ്. പൊതു ജനങ്ങൾക്കും സംഭാവനകളിലൂടെ ഇഫ്താർ സംഗമത്തിന്റെ ഭാഗമാകാൻ അവസരമുണ്ടെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക് 6235600600 എന്ന നമ്പറിൽ ബന്ധപ്പെടാവുന്നതാണ്.
സ്ത്രീകള്ക്കായാണ് ശില്പശാല; സ്ത്രീകള് തന്നെ പരിശീലനം നല്കും...
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
മാനവ ഐക്യം വിളംബരം ചെയ്ത് മലേഷ്യയിൽ നടന്ന അന്താരാഷ്ട്ര മതനേതൃത്വ സമ്മേളനം...
തത്പരരായ ഏത് പ്രായക്കാര്ക്കും വിദ്യാഭ്യാസ യോഗ്യതകള്ക്കപ്പുറം അവസരം...
സമർഖന്ദിലെ ഇമാം ബുഖാരി സന്നിധിയിൽ നടന്ന ദർസിൽ പങ്കെടുത്തത് 20 രാജ്യങ്ങളിൽ നിന്നുള്ള പണ്ഡിതർ...
ഹദീസ് പഠനമേഖലയിലെ സംഭാവനകൾക്ക് ആഗോള പ്രശംസ...
സ്ത്രീകള്ക്കായാണ് ശില്പശാല; സ്ത്രീകള് തന്നെ പരിശീലനം നല്കും...
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
© Copyright 2024 Markaz Live, All Rights Reserved