കോഴിക്കോട്: വിശുദ്ധ ഖുർആൻ പൂർണമായി പാരായണം ചെയ്ത് നാലുമാസത്തിലൊരിക്കൽ വിശ്വാസികൾ സംഗമിക്കുന്ന ദൗറത്തുൽ ഖുർആൻ ആത്മീയ സമ്മേളനം ഇന്ന് (ശനി) മ​ഗ് രിബ് നിസ്കാരാനന്തരം മർകസിൽ നടക്കും. 

മർകസ് കൺവെൻഷൻ സെന്ററിൽ സയ്യിദ് അലി ബാഫഖി തങ്ങളുടെ പ്രാർത്ഥനയോടെ സമ്മേളനത്തിന് തുടക്കമാവും. കാന്തപുരം എ പി അബൂബക്കർ മുസ്‌ലിയാർ ഉദ്ഘാടനം ചെയ്യും. കെകെ അഹ്‌മദ്‌ കുട്ടി മുസ്‌ലിയാർ അധ്യക്ഷത വഹിക്കും. ഷാഫി സഖാഫി മുണ്ടമ്പ്ര മുഖ്യപ്രഭാഷണം നടത്തും. ഹദ്ദാദ്, ഖത്മുൽ ഖുർആൻ പാരായണം, മഹ്ളറത്തുൽ ബദ്‌രിയ്യ, ഒമാനൂർ ശുഹദാ അനുസ്മരണം, സമാപന പ്രാർത്ഥന എന്നിവക്ക് സയ്യിദ് ശറഫുദ്ദീൻ ജമലുല്ലൈലി, സയ്യിദ് മുഹമ്മദ് തുറാബ് സഖാഫി, സയ്യിദ് ജസീൽ ശാമിൽ ഇർഫാനി, സയ്യിദ് ശിഹാബുദ്ദീൻ അഹ്ദൽ മുത്തന്നൂർ നേതൃത്വം നൽകും. വിപിഎം ഫൈസി വില്യാപ്പള്ളി, മുഹ്‌യിദ്ദീൻ സഅദി കൊട്ടുക്കര, ഉമറലി സഖാഫി, അബ്ദുള്ള സഖാഫി മലയമ്മ, അബ്ദുല്ലത്തീഫ് സഖാഫി സംബന്ധിക്കും. മർകസ് ഔദ്യോ​ഗിക യൂട്യൂബ് ചാനലിൽ തത്സമയം സംപ്രേക്ഷണം ഉണ്ടാകും. www.youtube.com/markazonline