കോഴിക്കോട്: മര്‍കസ് നോളജ് സിറ്റിയിലെ എക്സ്ക്യൂസീവ് റസിഡൻഷ്യൽ സോണായ ലാൻഡ് മാർക്ക് വില്ലേജിൽ നിർമാണം ആരംഭിക്കുന്ന ലക്ഷ്വറി സ്‌പോട്ടായ അഞ്ചാം ടവറിന്റെ പ്രഖ്യാപനം നടന്നു. രണ്ട്, മൂന്ന്, നാല്, അഞ്ച് ബി എച്ച് കെ വരുന്ന ലക്ഷ്വറി അപാര്‍ട്ട്‌മെന്റുകളും വില്ലാമെന്റുകളുമാണ് ടവറില്‍ വരുന്നത്. നിലവിലെ ടവറുകളില്‍ ഉള്ളതിനെക്കാള്‍ ആധുനികമായ സൗകര്യങ്ങളും സജ്ജീകരണങ്ങളും അഞ്ചാം ടവറിലുണ്ട്. കൂടാതെ, ഏറ്റവും മികച്ച സംവിധാനങ്ങള്‍ അടങ്ങിയ 16 അപ്പാര്‍ട്‌മെന്റുകള്‍ റോയല്‍ പവലിയനായി ടവറില്‍ സജ്ജീകരിക്കുന്നുണ്ട്. മര്‍കസ് നോളജ് സിറ്റി മാനേജിംഗ് ഡയറക്ടര്‍ ഡോ. മുഹമ്മദ് അബ്ദുല്‍ ഹകീം അസ്ഹരി ലക്ഷ്വറി സ്‌പോട്ട് പ്രഖ്യാപനം നടത്തി. ലാന്‍ഡ് മാര്‍ക് ബില്‍ഡേഴ്‌സ് ഡയറക്ടര്‍ അന്‍വര്‍ സാദത്ത് അധ്യക്ഷത വഹിച്ചു. ഡോ. അബ്ദുസ്സലാം മുഹമ്മദ്, അഡ്വ. തന്‍വീര്‍ ഉമര്‍, ഡോ. അമീര്‍ ഹസന്‍ ഓസ്‌ട്രേലിയ, കെ കെ ശമീം, ഉനൈസ് മുഹമ്മദ്, റശീദ് പുന്നശ്ശേരി സംസാരിച്ചു. പ്രൊജക്ട് ഹെഡ് ശബീര്‍ ഇല്ലിക്കല്‍ സ്വാഗതവും അക്ബര്‍ സാദിഖ് നന്ദിയും പറഞ്ഞു.