കോഴിക്കോട്: സിവിൽ സർവീസ് പരീക്ഷാ ഫലത്തിൽ മർകസ് പൂർവ വിദ്യാർഥിക്ക് അഭിമാന നേട്ടം. പരപ്പനങ്ങാടി പുത്തരിക്കൽ പുത്തൻ വീട്ടിൽ പി വി അബ്ദുൽ ഫസൽ ആണ് റാങ്കിൻ തിളക്കത്തിനുടമ. 507-ാം റാങ്ക് നേടിയാണ് ഫസൽ പട്ടികയിൽ ഇടം നേടിയത്. കേരളത്തിൽ നിന്ന് 28-ാം റാങ്കിന് ഉടമയാണ്.
പരപ്പനങ്ങാടി തഅ്ലീമുൽ ഇസ്ലാം ഹയർ സെക്കൻഡറി സ്കൂളിൽ നിന്ന് പത്താം ക്ലാസ്സ് പൂർത്തിയാക്കിയ ശേഷം പൂനൂർ മർകസ് ഗാർഡനിലാണ് പഠനം നടത്തിയത്. കാലിക്കറ്റ് യൂനിവേഴ്സിറ്റിയിൽ നിന്ന് ചരിത്രത്തിൽ ബിരുദവും ഡൽഹി ജാമിഅ മില്ലിയ്യയിൽ നിന്ന് ബിരുദാനന്തര ബിരുദവും സ്വന്തമാക്കിയ ശേഷമാണ് സിവിൽ സർവീസിലേക്ക് തിരിയുന്നത്. നാലാം ശ്രമത്തിലാണ് ഫലം കണ്ടത്.
മർകസ് ഗാർഡനിൽ നിന്നുള്ള പ്രചോദനമാണ് സിവിൽ സർവീസ് മോഹത്തിന് പിന്നിലെന്ന് ഫസൽ പറഞ്ഞു. അവിടെ നിന്ന് പരിശീലനം ലഭിച്ചിരുന്നുവെന്ന് ഫസൽ പറഞ്ഞു. പി എസ് സി ചരിത്ര വിഭാഗം അസ്സിസ്റ്റൻ്റ് പ്രൊഫസർ തസ്തികയിലേക്ക് നടത്തിയ പരീക്ഷയിൽ ഒമ്പതാം റാങ്ക് നേടി നിയമനം കാത്തിരിക്കെയാണ് സിവിൽ സർവീസ് നേട്ടം കൈയിലെത്തുന്നത്. നിലവിൽ തിരുവനന്തപുരം ഐലേൺ ഐ എ എസ് അക്കാദമിയിൽ ഹിസ്റ്ററി വിഭാഗത്തിൽ പരിശീലനം നൽകി വരികയാണ്. പുത്തൻ വീട്ടിൽ മുഹമ്മദ് ബാവ- അസ്റാബി ദമ്പതികളുടെ മകനാണ്. സഹോദരി: ഫാസില
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
മാനവ ഐക്യം വിളംബരം ചെയ്ത് മലേഷ്യയിൽ നടന്ന അന്താരാഷ്ട്ര മതനേതൃത്വ സമ്മേളനം...
തത്പരരായ ഏത് പ്രായക്കാര്ക്കും വിദ്യാഭ്യാസ യോഗ്യതകള്ക്കപ്പുറം അവസരം...
സമർഖന്ദിലെ ഇമാം ബുഖാരി സന്നിധിയിൽ നടന്ന ദർസിൽ പങ്കെടുത്തത് 20 രാജ്യങ്ങളിൽ നിന്നുള്ള പണ്ഡിതർ...
ഹദീസ് പഠനമേഖലയിലെ സംഭാവനകൾക്ക് ആഗോള പ്രശംസ...
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
© Copyright 2024 Markaz Live, All Rights Reserved