ഷാർജ : വിദ്യാർത്ഥികൾക്ക് വേണ്ടി വേനൽ അവധിക്കാലത്ത് ഷാർജ മർകസിൽ സംഘടിപ്പിക്കപ്പെടുന്ന വെക്കേഷൻ ക്യാമ്പ് ബുധനാഴ്ച്ച ആരംഭിക്കുന്നു.  പത്തു ദിവസം നീണ്ടു നിൽക്കുന്ന ക്യാമ്പുകളാണ് സംഘടിപ്പിക്കപ്പെടുന്നത്. കൂൾ മാത് സ്   , സ്റ്റാൻഡേർഡ്  ഇംഗ്ലീഷ്, കോഡിങ് &റോബോട്ടിക്‌സ്, ഖുർആൻ മധുരം, കൗമാരവും മാനസികാരോഗ്യവും, ഇസ്ലാമിക് ജീവിത ശൈലി പരിശീലനം, ഫൺ & ഫിറ്റ്നസ്, കരിയർ മാപ്പിംഗ് തുടങ്ങി വ്യത്യസ്ത വിഷയളിലായി പഠനവും പഠനാനുബന്ധ പ്രവർത്തനങ്ങളുമോടൊപ്പം വ്യക്തിത്വ വികാസം സാധ്യമാക്കുന്ന വിവിധ പരിശീലനങ്ങളും ക്യാമ്പിൽ ഒരുക്കിയിരിക്കുന്നു. 8 വയസ് മുതൽ 15 വയസ് വരെയുള്ള കുട്ടികൾക്കാണ് പ്രവേശനം നൽകപ്പെടുന്നത്.കൂടാതെ സമ്മർ ഹോളിഡേ മദ്രസ , ആക്‌സെന്റ് ട്രെയിനിങ്, ലാംഗ്വേജ് വർക്ക് ഷോപ്‌ , റെമീഡിയൽ കോച്ചിങ് , പാരന്റിങ് , പ്രീമരിറ്റൽ വർക്ക് ഷോപ്പ് തുടങ്ങിയ പരിപാടികളും ഓഫ്‌ലൈൻ , ഹൈബ്രിഡ് മോഡിൽ സെന്ററിൽ നടക്കുമെന്ന് സെന്റർ ഡയറക്ടർ ഷാഫി നൂറാനി അറിയിച്ചു.

കൂടുതൽ വിവരങ്ങൾക്കും രജിസ്‌ട്രേഷനും 0547957296 എന്ന നമ്പറിൽ ബന്ധപ്പെടുക.