പത്തനംതിട്ട: അനാഥരും നിലാരബരുമായ ബാല്യങ്ങൾക്ക് അറിവിലൂടെ ജീവിതം പകർന്നു നൽകി സമൂഹത്തിൻ്റെ മുഖ്യധാരയിലെക്ക് ഉയർത്തി കൊണ്ടുവരാൻ മർകസും കാന്തപുരം എ പി അബൂബക്കർ മുസ്‌ലിയാരും നടത്തുന്ന ശ്രമങ്ങൾ മാതൃകാപരമെന്ന് ആൻ്റോ ആൻ്റണി എം പി പറഞ്ഞു. ഈ മാസം  5ന് നടക്കുന്ന മർകസ് സനദ്‌ദാന സമ്മേളനത്തിൻ്റെ വിളബര ദിനാചരണവും പിതാക്കൾ മരണപ്പെട്ട അനാഥരായ കുട്ടികളെ ഏറ്റെടുത്ത് അവരുടെ സ്വന്തം വീടുകളിൽ തന്നെ വിദ്യാഭ്യാസം, ഭക്ഷണം, വസ്ത്രം,ചികത്സ എന്നിവ ഉറപ്പാക്കുന്ന മർകസ് ഓർഫൻ ഹോം കെയർ പദ്ധതിയുടെ പത്തനംതിട്ട ജില്ലാതല ഉദ്ഘാടനവും നിർവ്വഹിച്ച് സംസാരിക്കുകയായിരുന്നു അദ്ദേഹം.

ഇന്ത്യയിലെ പ്രമുഖ ഇസ്‌ലാമിക വിദ്യാഭ്യാസ കേന്ദ്രമായ മർകസിൽ നിന്ന് പഠനം പൂർത്തീകരിച്ചവർക്കുള്ള സനദ്‌ദാന സമ്മേളനവും ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാരുടെ പ്രസിദ്ധമായ സ്വഹീഹുൽ  ബുഖാരി ദർസിന്റെ വാർഷിക സമാപനമായ ഖത്മുൽ ബുഖാരി സംഗമവും വ്യാഴാഴ്ച രാവിലെ മുതൽ മർകസിൽ നടക്കും.

പത്തനംതിട്ട ജില്ലാ തല സന്ദേശ ദിനാചരണത്തിൽ കേരള മുസ്‌ലിം ജമാഅത്ത് ജില്ലാ പ്രസിഡൻ്റ്  അശ്‌റഫ് ഹാജി അലങ്കാർ അധ്യക്ഷത വഹിച്ചു. മുഹമ്മദ് ഇസ്മാഈൽ, സുധീർ വഴിമുക്ക്, അസ്‌ലം അദനി, മുഹമ്മദ് ഷെബിൻ ജൗഹരി എന്നിവർ സംസാരിച്ചു.