നോളജ് സിറ്റി: മർക്കസു സഖാഫത്തി സുന്നിയ്യയുടെ ആഭിമുഖ്യത്തില്‍ റബീഉല്‍ അവ്വലിലെ ആദ്യ തിങ്കളാഴ്ച നടന്നുവരുന്ന അല്‍മൗലിദുല്‍ അക്ബറിന്റെ പ്രവര്‍ത്തനങ്ങള്‍ ഏകോപിപ്പിക്കാനായി സ്വാഗതസംഘം ഓഫീസ് തുറന്നു. ഓഗസ്റ്റ് 17-ന് മര്‍കസ് നോളജ് സിറ്റിയിലെ ജാമിഉല്‍ ഫുതൂഹില്‍ വെച്ച് നടക്കുന്ന അല്‍ മൗലിദുല്‍ അക്ബറില്‍ പതിനായിരക്കണക്കിന് വിശ്വാസികളെയാണ് പ്രതീക്ഷിക്കുന്നത്. ഇവരെ സ്വീകരിക്കാനും ആത്മീയ സായൂജ്യം നേടാനും ആവശ്യമായ സജ്ജീകരണങ്ങളെല്ലാം നടപ്പാക്കുകയാണ് സ്വാഗതസംഘം.

ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്‌ലിയാർ ഓഫീസ് ഉദ്ഘാടനം നിര്‍വഹിച്ചു. സ്വാഗതസംഘം ചെയര്‍മാന്‍ സയ്യിദ് മുഹമ്മദ് തുറാബ് അസ്സഖാഫി അധ്യക്ഷത വഹിച്ചു. ജാമിഉല്‍ ഫുതൂഹ് ഇമാം ഡോ. മുഹമ്മദ് അബ്ദുല്‍ ഹകീം അസ്ഹരി, ശുകൂര്‍ ഹാജി കാപ്പാട് സംസാരിച്ചു. സയ്യിദ് അബ്ദുര്‍റഹ്‌മാന്‍ ബാഫഖി, സുഹൈറുദ്ദീന്‍ നൂറാനി, ആശിഖ് സഖാഫി, ബി സി ലുഖ്മാന്‍ ഹാജി, ജാഫര്‍ എലിക്കാട്, യൂസുഫ് നൂറാനി സംബന്ധിച്ചു.