സൈനുൽ ആബിദീൻ ബാഫഖി തങ്ങൾ അനുസ്മരണവും അഹ്ദലിയ്യയും ഇന്ന് മർകസിൽ
Markaz Live News
September 02, 2022
Updated
കോഴിക്കോട്: മർകസ് വൈസ് പ്രസിഡന്റായിരുന്ന സയ്യിദ് സൈനുൽ ആബിദീൻ ബാഫഖി തങ്ങളുടെ അനുസ്മരണവും മാസാന്ത അഹ്ദലിയ്യ ആത്മീയ സമ്മേളനവും ഇന്ന്(സെപ്റ്റംബർ 3 ശനി) മർകസ് കൺവെൻഷൻ സെന്ററിൽ നടക്കും. പൊതുജനങ്ങളും മർകസ് സ്ഥാപനങ്ങളിലെ വിദ്യാർഥികളും പങ്കെടുക്കുന്ന ചടങ്ങ് വൈകുന്നേരം 7 മണിയോടെ ആരംഭിക്കും. മർകസിന്റെ പ്രവർത്തനങ്ങളിലെല്ലാം ഏറെ കാലമായി സജീവസാന്നിധ്യമായിരുന്നു സൈനുൽ ആബിദീൻ ബാഫഖി തങ്ങൾ.
മർകസ് ചെയർമാൻ കാന്തപുരം എ പി അബൂബക്കർ മുസ്ലിയാർ അനുസ്മരണ സംഗമം ഉദ്ഘാടനം ചെയ്ത് സംസാരിക്കും. ആത്മീയ സദസ്സിനും പ്രാർഥനക്കും സയ്യിദ് അലി ബാഫഖി തങ്ങൾ നേതൃത്വം നൽകും. ഡയറക്ടർ ജനറൽ സി മുഹമ്മദ് ഫൈസി അനുസ്മരണ പ്രഭാഷണം നടത്തും. സയ്യിദ് ശറഫുദ്ധീൻ ജമലുല്ലൈലി, സയ്യിദ് മുഹമ്മദ് തുറാബ് അസ്സഖാഫ്, സയ്യിദ് ശിഹാബുദ്ധീൻ അഹ്ദൽ മുത്തനൂർ, എ പി മുഹമ്മദ് മുസ്ലിയാർ, കെ കെ അഹ്മദ് കുട്ടി മുസ്ലിയാർ, വിപിഎം ഫൈസി വില്യാപ്പള്ളി, ഡോ. അബ്ദുൽ ഹകീം അസ്ഹരി, കൂറ്റമ്പാറ അബ്ദുറഹ്മാൻ ദാരിമി, മുഖ്താർ ഹസ്റത്ത്, മുഹമ്മദലി സഖാഫി വള്ളിയാട് സംബന്ധിക്കും. മർകസ് ശരീഅ കോളേജ്, ഖുർആൻ അകാദമി, റൈഹാൻ വാലി തുടങ്ങിയ സ്ഥാപനങ്ങളിൽ പഠിക്കുന്ന ആയിരത്തിലധികം മതവിദ്യാർഥികളും ഖുർആൻ പഠിതാക്കളും അനാഥരും പങ്കെടുക്കുന്ന ചടങ്ങ് മർകസ് ഔദ്യോഗിക യൂട്യൂബ് ചാനൽ https://www.youtube.com/markazonline വഴി തത്സമയം സംപ്രേക്ഷണം ചെയ്യും.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
