കോഴിക്കോട് : മർകസിന് കീഴിൽ വ്യാപാരി വ്യവസായികളെ ഏകോപിപ്പിച്ചു പ്രവർത്തിക്കുന്ന സംഘടനയായ മെർച്ചന്റ് ചെബർ ഇന്റർനാഷണലിന്റെ (MCI) ആഭിമുഖ്യത്തിൽ സംഘടിപ്പിച്ച വ്യാപാരി സംഗമം സമാപിച്ചു. ഇസ്ലാമിക ചരിത്രത്തിലെ പ്രസിദ്ധ സ്വഹാബിയും മാതൃകാ വ്യാപാരിയുമായിരുന്ന ഹസ്രത്ത് ഉസ്മാൻ (റ) ന്റെ സ്മരണാർത്ഥം വർഷം തോറും നടന്നുവരുന്ന സംഗമം കോവിഡ് പാശ്ചാത്തലത്തിൽ ഓൺലൈനിലാണ് നടന്നത് . ഇന്ത്യൻ ഗ്രാൻഡ് മുഫ്തി കാന്തപുരം എ.പി അബൂബക്കർ മുസ്ലിയാരുടെ അനുഗ്രഹ പ്രഭാഷണവും പ്രാർത്ഥനയും നടന്നു. വ്യാപാരികൾ രാജ്യത്തിനും സമൂഹത്തിനും മാതൃകാപരമായ ഇടപെടലുകൾ നടത്തണമെന്നും കച്ചവടത്തിൽ സത്യസന്ധതയും സാമൂഹ്യ പ്രതിബദ്ധതയും പുലർത്തണമെന്നും അദ്ദേഹം പറഞ്ഞു. ഇസ്ലാമിക ചരിത്രത്തിലെ മികച്ച വ്യാപാരിയായിരുന്ന ഉസ്മാൻ (റ ) ന്റെ ജീവിതം ഇതിൽ മാതൃകയാക്കണമെന്നും അളവിലും തൂക്കത്തിലും ക്രയ വിക്രയങ്ങളിലും സൂക്ഷ്മത പുലർത്തണമെന്നും അദ്ദേഹം പറഞ്ഞു. മർകസ് ജനറൽ മാനേജർ സി മുഹമ്മദ് ഫൈസി ഉദ്ഘാടനവും മർകസ് നോളേജ് സിറ്റി ഡയറക്ടർ ഡോ. എ പി അബ്ദുൽ ഹഖീം അസ്ഹരി മുഖ്യ പ്രഭാഷണവും നിർവ്വഹിച്ചു. സയ്യിദ് അലി ബാഫഖി തങ്ങൾ പ്രാർത്ഥന നിർവഹിച്ചു. എം.സി.ഐ പ്രസിഡന്റ് സി പി മൂസ ഹാജി അധ്യക്ഷതയും എം.സി.ഐ സെക്രട്ടറി ഷംസുദ്ധീൻ എളേറ്റിൽ സ്വാഗതവും പറഞ്ഞു.
ഹില്സിനായിയും ഹിസാബ് സ്കൂള് ഓഫ് കൊമേഴ്സും സംയുക്തമായാണ് സി എ, സി എം എ ഫൗണ്ടേഷന് ബാച്ച് ആരംഭിച്ചത്...
നീറ്റ് യോഗ്യത നേടിയവര്ക്കാണ് പ്രവേശനം...
ബാല്യം, പഠനം, കുടുംബം, പണ്ഡിതലോകം, സംഘാടനം, പൊതുപ്രവര്ത്തനം എന്നിവയിലൂടെയുള്ള യാത്രകളാണ് ഗ്രന്ഥത്തിലുള്ളത്....
നജ്മു ഐഷൂട്ട്സ് നേതൃത്വം നല്കും ...
സ്ത്രീകള്ക്കായാണ് ശില്പശാല; സ്ത്രീകള് തന്നെ പരിശീലനം നല്കും...
പ്രവാസി ഇന്ത്യക്കാരുടെ ആശങ്കകൾ ചർച്ചാവിഷയമായി ...
© Copyright 2024 Markaz Live, All Rights Reserved