കോഴിക്കോട്: മര്‍കസ് നോളജ് സിറ്റിയിലെ ജാമിഉല്‍ ഫുതൂഹില്‍ നടന്ന ആശുറാഅ് പ്രാര്‍ഥനാ- ഇജാസത്ത് സംഗമത്തിന് ഭക്തിസാന്ദ്രമായ പരിസമാപ്തി. ആശുറാ ദിവസത്തില്‍ സവിശേഷമായ അല്‍ മുസല്‍സലു ബി യൗമി ആശുറാ ഇജാസത്ത് സംഗമത്തിന് ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്്ലിയാര്‍ നേതൃത്വം നല്‍കി.

ഡോ. അബ്ദുസ്സലാം മുസ്ലിയാര്‍ ദേവര്‍ഷോല ആശുറാഅ് ദിന സന്ദേശ പ്രഭാഷണം നടത്തി. പ്രയാസങ്ങളുടെയെല്ലാം കാരണം തുടക്കം മോഷമായതുകൊണ്ടാണെന്നും പുതവര്‍ഷമായ മുഹര്‍റമിനെ ധന്യമാക്കണമെന്നും അദ്ദേഹം ഓര്‍മപ്പെടുത്തി. സയ്യിദ് ശാഫി ബാ അലവി വളപട്ടണം ദിക്ര്‍ മജ്‌ലിസിനും സയ്യിദ് അബൂബക്കര്‍ കോയ അല്‍ബുഖാരി കാന്തപുരം സമാപന പ്രാര്‍ത്ഥനക്കും നേതൃത്വം നല്‍കി. മമ്പുറം തങ്ങള്‍ അനുസ്മരണം, ദിക്ര്‍ ഹല്‍ഖ, ഖുര്‍ആന്‍ പാരായണം, മരണപ്പെട്ടുപോയവര്‍ക്ക് വേണ്ടിയുള്ള പ്രത്യേക പ്രാര്‍ഥന തുടങ്ങിയവ നടന്നു.