കാരന്തൂർ: മർകസ് ഗേൾസ് ഹയർ സെക്കണ്ടറി സ്കൂളിൽ നിന്നും പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർഥികളെ സ്കൂൾ പി.ടി.എയുടെയും മാനേജ്‌മെന്റിന്റെയും സംയുക്താഭിമുഖ്യത്തിൽ അനുമോദിച്ചു. സ്കൂൾ മാനേജർ കാന്തപുരം എ പി അബൂബക്കർ മുസ്‌ലിയാർ അനുമോദന പ്രഭാഷണം നടത്തി. മർകസ് എം.എം.ഐ & എം.ജി.എസ് ചീഫ് അഡ്മിനിസ്ട്രീവ് ഓഫീസർ വി എം റശീദ് സഖാഫി ചടങ്ങ് ഉദ്ഘാടനം ചെയ്തു. പി.ടി.എ പ്രസിഡണ്ട് മിസ്തഹ് അധ്യക്ഷത വഹിച്ചു. സ്കൂൾ കൾച്ചറൽ ക്ലബ് ഉദ്ഘാടനവും നടന്നു.

ചടങ്ങിൽ മർകസ് അക്കാദമിക് അസോസിയേറ്റ് ഡയറക്ടർ ഉനൈസ് മുഹമ്മദ്, കൾച്ചർ ജോയിന്റ് ഡയറക്ടർ മുഹമ്മദലി സഖാഫി വള്ളിയാട്,  

കൾച്ചർ & അക്കാദമിക് എക്സിക്യൂട്ടീവ് ഓഫീസർ അക്ബർ ബാദുഷ സഖാഫി, മീഡിയ & കമ്മ്യൂണിക്കേഷൻ ജോയിന്റ് ഡയറക്ടർ ഷമീം കെ കെ, ഫിറോസ് ബാബു കെ എം, മൂസക്കോയ, മുഹമ്മദ് ഷാജി, മർസൂഖ് സഅദി സംസാരിച്ചു. പ്രിൻസിപ്പാൾ എ റശീദ് സ്വാഗതവും സ്റ്റാഫ് സെക്രട്ടറി കെ കെ ഇസ്മാഈൽ നന്ദിയും പറഞ്ഞു.