കോഴിക്കോട്: സുന്നീ പ്രസ്ഥാനത്തിന്റെ വളർച്ചയിൽ വലിയ പങ്കുവഹിച്ച ദിനപത്രമാണ് സിറാജ് എന്നും പത്രത്തിന്റെ വാർഷിക പ്രചാരണ ക്യാമ്പയിൻ ഉജ്ജ്വല വിജയത്തിലേക്കെത്തിക്കാൻ എല്ലാവരും മുന്നിട്ടിറങ്ങണമെന്നും കാന്തപുരം ഉസ്‌താദ്‌ ആഹ്വാനം ചെയ്തു. നാല് പതിറ്റാണ്ട് മുമ്പ് സിറാജ് ആരംഭിച്ചപ്പോൾ അതൊരു ചരിത്ര നിയോഗമായിരുന്നു.പക്ഷേ വലിയ പ്രതിസസികളിലൂടെയായിരുന്നു അക്കാലത്ത് പത്ര മാനേജ്മെൻ്റ് കടന്നു പോയത്. പലനേതാക്കളും സാമ്പത്തികമായും മറ്റും അന്ന് വലിയ കഷ്ടപ്പാടുകൾ സഹിച്ചിട്ടുണ്ട്. സിറാജ് എന്ന ആ വെളിച്ചം കൂടുതൽ പ്രകാശത്തോടെ മുന്നേറണം. നേതാക്കൾ മുതൽ ഓരോ പ്രവർത്തകനും ഈ ക്യാമ്പയിൻ്റെ ഭാഗമാവണം. ആദർശത്തിൽ ഒരു വിട്ടുവീഴ്ചയുമില്ലാത്ത കേരളത്തിലെ മുൻനിര പത്രമായി  സിറാജിനെ നമ്മൾ മാറ്റും. സിറാജിൻ്റെ പ്രസക്തി മറ്റെന്നേക്കാളും വർധിച്ചുവരുന്ന ഈ സമയത്ത് പ്രചാരണ ക്യാമ്പയിൻ വൻ വിജയമാക്കണമെന്നും കാന്തപുരം ആഹ്വാനം ചെയ്തു.