Dublin
സമ്മിശ്ര കൃഷിയിൽ മികച്ച കർഷകനായി തിരഞ്ഞെടുക്കപ്പെട്ട മുഹമ്മദ് ഫാസിൽ പി.ടി.എ. റഹീം എം.എൽ.എയിൽ നിന്ന് പുരസ്കാരം ഏറ്റുവാങ്ങുന്നു.
കോഴിക്കോട്: കുന്ദമംഗലം പഞ്ചായത്ത് പരിധിയിലുള്ള മികച്ച യുവ കർഷകനുള്ള പുരസ്കാരം നേടി മർകസ് ജീവനക്കാരൻ മുഹമ്മദ് ഫാസിൽ. ചിങ്ങം ഒന്ന് കർഷക ദിനത്തോടനുബന്ധിച്ച് രാജീവ് ഗാന്ധി ഓഡിറ്റോറിയത്തിൽ നടന്ന ചടങ്ങിൽ പി.ടി.എ. റഹീം എം.എൽ.എ പുരസ്കാരം കൈമാറി. സമ്മിശ്ര കൃഷിയിൽ മികച്ച കർഷകനായാണ് മുഹമ്മദ് ഫാസിലിനെ തിരഞ്ഞെടുത്തത്. ആട്, താറാവ്, നാടൻകോഴി, ജൈവ കൃഷി എന്നിവ വിപണി ലക്ഷ്യംവെച്ച് കൃഷി ചെയ്താണ് ഫാസിൽ മാതൃകയായത്. കാരന്തൂർ മർകസ് സാമൂഹ്യക്ഷേമ വകുപ്പായ ആർ.സി.എഫ്.ഐയിലെ ജോലിക്കും ബിരുദാനന്തര പഠനത്തിനും ഇടയിലെ ഒഴിവ് സമയങ്ങൾ ഉപയോഗപ്പെടുത്തിയാണ് കാർഷിക സംരംഭം മുന്നോട്ട്‌കൊണ്ടുപോകുന്നത്. കുന്ദമംഗലം കല്ലറച്ചാലിൽ ചേറ്റുകുഴിയിൽ എം കെ അശ്‌റഫ്-സൗദാബി ദമ്പതികളുടെ മകനാണ്.
മർകസ് ടീച്ചേർസ് കമ്യൂണിയൻ 'ഓൺബോർഡ്' സമാപിച്ചു...
മർകസ് ടീച്ചേർസ് കമ്യൂണിയൻ 'ഓൺബോർഡ്' സമാപിച്ചു...
എറണാകുളം ജില്ലയിലെ ആലുവ സ്വദേശിയായ മുസമ്മില് ആണ് നേട്ടം കൈവരിച്ചത്....
മർകസിൽ നിന്നുള്ള തത്സമയ അപ്‌ഡേറ്റുകൾ വാട്സാപ്പിലൂടെ അറിയാം
