കോഴിക്കോട്:- ഐ എ എം ഇ കോഴിക്കോട് റീജ്യനൽ ലൈറ്റ് അപ് ഓൺ ലൈറ്റിൽ കാരന്തൂർ മെംസ് ഇന്റർനാഷനൽ ചാമ്പ്യന്മാരായി. പന്തീരാങ്കാവ് ഹിദായ പബ്ലിക് സ്‌കൂളിൽ നടന്ന ഫെസ്റ്റിൽ 260 പോയിൻ്റ് നേടിയാണ് കാരന്തൂർ മെംസ് ഒന്നാമതതെത്തിയത്. 258 പോയിന്റുമായി ഫറോക്ക് ഖാദിസിയ്യ ഇംഗ്ലീഷ് സ്‌കൂൾ ഫസ്റ്റ് റണ്ണറപ്പ് സ്ഥാനവും 209 പോയിന്റുമായി ഇശാഅത്ത് പബ്ലിക് സ്‌കൂൾ പൂനൂർ സെക്കൻഡ് റണ്ണറപ്പ് സ്ഥാനവും കരസ്ഥമാക്കി. ഏഴ് വേദികളിലായി നടന്ന ഫെസ്റ്റ് ഐ എ എം ഇ പ്രസിഡന്റ് സയ്യിദ് മുഹമ്മദ് തുറാബ് തങ്ങൾ ഉദ്ഘാടനം ചെയ്‌തു. ട്രഷറർ പ്രൊഫ. എ കെ അബ്‌ദുൽ ഹമീദ് മുഖ്യാതിഥിയായി. ജില്ലയിലെ വിവിധ സ്‌കൂളുകളിൽ നിന്ന് അഞ്ഞൂറോളം വിദ്യാർഥികൾ 30 മത്സരയിനങ്ങളിൽ മാറ്റുരച്ചു. സമാപനചടങ്ങിൽ ഐ എ എം ഇ റീജ്യനൽ ജനറൽ കൺവീനർ അബ്‌ദുൽ മജീദ് ഇർഫാനി ആമുഖ പ്രഭാഷണം നടത്തി. ചെയർമാൻ ശഹീർ അസ്ഹരി അധ്യക്ഷത വഹിച്ചു. എൻ ടി കെ ബാഖവി ആവിലോറ, അലി ഹസൻ ഫൈസി, ശഹീർ അസ്ഹരി എന്നിവർ അവാർഡ് ദാനം നടത്തി. കൺവീനർമാരായ മുഹമ്മദ് ശാഫി, സുലൈമാൻ, ഹിദായ പബ്ലിക് സ്‌കൂൾ പ്രിൻസിപ്പൽ അബ്‌ദുർറഹ്‌മാൻ, റാശിദ് സഖാഫി, മുഹമ്മദ് ഹനീഫ സംബന്ധിച്ചു.