കോഴിക്കോട്: മര്‍കസ് അക്കാദമി ഓഫ് ഖുര്‍ആന്‍ സ്റ്റഡീസിന് കീഴില്‍ കേരളത്തിലെ വിവിധ ജില്ലകളിൽ പ്രവര്‍ത്തിക്കുന്ന 29 ക്യാമ്പസുകളിലേക്കുള്ള  2025 വര്‍ഷത്തെ അഡ്മിഷന്‍ ഈ മാസം 20 ന് അവസാനിക്കും. ഖുര്‍ആന്‍ പാരായണത്തില്‍ മികവ് പ്രകടിപ്പിക്കുന്ന മനഃപാഠ ശേഷിയുള്ള യോഗ്യരായ വിദ്യാര്‍ഥികള്‍ക്ക് സ്‌കൂള്‍ 5,6 ക്ലാസുകളിലേക്കാണ് പ്രവേശനം. ഹിഫ്ള് പഠനത്തോടൊപ്പം പത്താം ക്ലാസ് വരേയുള്ള സ്കൂൾ വിദ്യാഭ്യാസവും കൂടി ലഭിക്കുന്ന രീതിയിലാണ് നാല് വർഷത്തെ കോഴ്സ് രൂപപ്പെടുത്തിയിട്ടുള്ളത്. രജിസ്റ്റർ ചെയ്ത്  ഖുർആൻ പാരായണ ടെസ്റ്റിൽ പങ്കെടുത്തതിന് ശേഷം  ഓൺലൈൻ ഇന്റർവ്യൂ ക്യാമ്പിലേക്ക് തിരഞ്ഞെടുക്കും. ഇതിൽ ഒരു ജുസ്അ് മനഃപാഠമാക്കുന്നവർക്കായിരിക്കും അന്തിമ അഭിമുഖത്തിലൂടെ പ്രവേശനം നൽകുക. താത്പര്യമുള്ളവർ മര്‍കസ് അഡ്മിഷന്‍ വെബ്സൈറ്റായ  https://admission.markaz.in വഴി ഓൺലൈനിലൂടെയാണ് അപേക്ഷ സമർപ്പിക്കേണ്ടത്. കൂടുതൽ വിവരങ്ങൾക്ക്: 9072500417, 9072350043