കോഴിക്കോട്: നാളെ കോഴിക്കോട് നടക്കുന്ന അന്താരാഷ്ട്ര മീലാദ് സമ്മേളനത്തിന്റെ വിളംബര ദിനമായി ഇന്ന് ആചരിക്കാൻ നേതാക്കൾ ആഹ്വാനം ചെയ്തു. സുൽത്വാനുൽ ഉലമയുടെ വാർഷിക മദ്ഹുറസൂൽ പ്രഭാഷണവും വിദേശ സംഘങ്ങളുടെ ഗ്രാൻഡ് മൗലിദും മെഗാ ദഫ് ഘോഷയാത്രയുമാണ് സമ്മേളനത്തിന്റെ മുഖ്യ ആകർഷകങ്ങൾ. മസ്ജിദുകളും കവലകളും കേന്ദ്രീകരിച്ച് പ്രചാരണ പ്രവർത്തനങ്ങൾ ത്വരിതപ്പെടുത്തിയും ജുമുഅക്ക് ശേഷം പള്ളികളിൽ സന്ദേശ പ്രഭാഷണങ്ങൾ നടത്തിയും വിളംബര റാലി സംഘടിപ്പിച്ചും കൂടുതൽ ജനങ്ങളിലേക്ക് മീലാദ് സമ്മേളനത്തിന്റെ സന്ദേശം കൈമാറണമെന്ന് സമസ്ത വൈസ് പ്രസിഡന്റ് സയ്യിദ് അലി ബാഫഖി തങ്ങൾ, മർകസ് ഡയറക്ടർ ജനറൽ സി മുഹമ്മദ് ഫൈസി, സയ്യിദ് അബ്ദുൽ ഫത്താഹ് അഹ്ദൽ അവേലം, വി പി എം ഫൈസി വില്യാപ്പള്ളി, അബ്ദുൽ മജീദ് കക്കാട്, കൂറ്റമ്പാറ അബ്‌ദുറഹ്‌മാൻ ദാരിമി, അബ്‌ദുറഹ്‌മാൻ ബാഖവി മടവൂർ ആഹ്വാനം ചെയ്തു.