ന്യൂഡൽഹി: മദീനത്തുന്നൂർ കോളേജ് ഓഫ് ഇസ്‌ലാമിക് സയൻസിന്റെ ഡൽഹി ക്യാമ്പസ് പ്രവർത്തനം ആരംഭിച്ചു. മദീനത്തുന്നൂറിൽ അഞ്ചു വർഷത്തെ പഠനം പൂർത്തിയാക്കിയ ശേഷം അവസാന രണ്ട് വർഷത്തെ Finishing & Research Studies കോഴ്‌സിനായി ഇരുപത് വിദ്യാർഥികളാണ് ഡൽഹി ക്യാമ്പസിലെത്തിയത്.

ചടങ്ങിൽ ഡൽഹിയിലെ വിവിധ മുഫ്തിമാർ, മൗലാനമാർ, ഖാരിമാർ, സാമൂഹിക-സാംസ്‌കാരിക രംഗങ്ങളിലെ പ്രമുഖർ എന്നിവർ പങ്കെടുത്തു. ഡൽഹി മർകസ് ഡയറക്ടർ സിപി സ്വാദിഖ് നൂറാനി ഉദ്ഘാടനം ചെയ്തു. പ്രമുഖ പ്രഭാഷകനും മുഫ്തിയുമായ മുഫ്തി തസ്ലീം റസാ സാഹിബ്അ നുഗ്രഹ പ്രഭാഷണം നടത്തി. ഖാരി സഗീർ അഹ്മദ്, മൗലാന വാഹിദ് റസ്വി, മൗലാന ഫഹീം ഖാദിരി, മൗലാന ഇസ്ലാം ഖാദിരി, ശിബ്ലി താഹിർ നൂറാനി, ഇക്രാം നൂറാനി അസ്സഖാഫി ചടങ്ങിനെ അഭിസംബോധന ചെയ്തു.