കൊയിലാണ്ടി: മർകസ് മാലിക് ദീനാർ സ്റ്റുഡൻസ് യൂണിയൻ അന്നബഅ് സംഘടിപ്പിക്കുന്ന ക്യു കൗൻ ഖുർആൻ റിസർച്ച് കോൺഫറൻസ് സെക്കൻഡ് എഡിഷൻ ഓഗസ്റ്റ് 10 മുതൽ 31 തീയതികളിലായി പാറപ്പള്ളിയിൽ വച്ച് നടക്കും. കാരന്തൂർ മർകസിന് കീഴിൽ കൊല്ലം പാറപ്പള്ളിയിൽ പ്രവർത്തിച്ചുകൊണ്ടിരിക്കുന്ന പഠന കേന്ദ്രമാണ് മാലിക് ദീനാർ ഖുർആൻ റിസർച്ച് അക്കാദമി. മർകസിൽ നടന്ന ചടങ്ങിൽ കാന്തപുരം എപി അബൂബക്കർ മുസ്ലിയാർ കോൺഫറൻസിന്റെ പ്രഖ്യാപനവും ലോ​ഗോ പ്രകാശവും നിർവഹിച്ചു.

പരിപാടിയുടെ ഭാഗമായി കേരളത്തിലെ വിവിധ ദഅവാ കോളേജുകളിൽ പഠനം നടത്തുന്ന ഇരുന്നൂറോളം വിദ്യാർഥികൾ പങ്കെടുക്കുന്ന ഖുർആൻ പഠന ക്യാമ്പ്, ഖുർആൻ പാരായണ നിയമ ശാസ്ത്രത്തിലെ വിഖ്യാദ ഗ്രന്ഥം ജസരിയ്യയുടെ മനപ്പാഠ മത്സരം, ഖുർആൻ മെഗാ ക്വിസ്, റിസർച്ച് കോൺഫറൻസ്, ഖുർആൻ വിസ്മയം, ഖുർആൻ എക്സ്പോ, വീഡിയോ സീരീസ്, ടേബിൾ ടോക്ക് എന്നിവ നടക്കും. പ്രഖ്യാപന സംഗമത്തിൽ കെ എസ് കെ സയ്യിദ് അലവിക്കോയാ അൽ ഐദറൂസി, സയ്യിദ് ശിഹാബുദ്ധീൻ അൽ അഹ്ദൽ മുത്തനൂർ, സയ്യിദ് മുഹമ്മദ് തുറാബ് അസ്സഖാഫി, വി എം അബ്ദുറഷീദ് സഖാഫി, ഹനീഫ് സഖാഫി, ബഷീർ സഖാഫി സംബന്ധിച്ചു.