മർകസ് ഐഷോർ അക്കാദമി ലൈഫ് ഫെസ്റ്റിവൽ സി മുഹമ്മദ് ഫൈസി ഉദ്ഘാടനം ചെയ്യുന്നു.
Markaz Live News
October 08, 2025
Updated
കുന്ദമംഗലം: മർകസ് ഐഷോർ അക്കാദമിയിലെ ലൈഫ് ഫെസ്റ്റിവൽ വൈസിലിസിയം സമാപിച്ചു. 'വേരുകൾ' എന്ന പ്രമേയത്തിൽ രണ്ടുദിവസമായി നടന്ന വിവിധ മത്സരങ്ങളിൽ നൂറോളം വിദ്യാർഥികളാണ് മാറ്റുരച്ചത്. മർകസ് ഡയറക്ടർ ജനറൽ സി മുഹമ്മദ് ഫൈസി ഫെസ്റ്റ് ഉദ്ഘാടനം ചെയ്തു. എസ്എസ്എഫ് ദേശീയ പ്രസിഡന്റ് സി പി ഉബൈദുല്ല സഖാഫി സന്ദേശ പ്രഭാഷണം നടത്തി.
ഫെസ്റ്റിന്റെ ഭാഗമായി നടന്ന ലഹരിബോധവത്കരണം, ആർട്ട് ആൻഡ് ക്രാഫ്റ്റ് വർക് ഷോപ്പ്, സാന്ത്വന യാത്ര, കരിയർ കോമ്പസ്, ധാർമികക്കളരി, തീം ടോക്ക് തുടങ്ങിയ അനുബന്ധ പരിപാടികൾക്ക് ശഫീഖ് യൂസുഫ്, മുബശ്ശിർ നൂറാനി, മജീദ് മാസ്റ്റർ, സികെഎം റഫീഖ്, ഉബൈദ് കെകെ, നജ്മുദ്ദീൻ സികെ നേതൃത്വം നൽകി.
ഫെസ്റ്റിന്റെ ഭാഗമായി 'അകക്കാമ്പ്' എന്നപേരിൽ വിദ്യാർഥികൾ മിനിമാഗസിൻ പുറത്തിറക്കി. ഫലസ്തീൻ ജനതക്ക് ഐക്യദാർഢ്യം വിളംബരം ചെയ്ത അറബനയുടെ മനോഹരമായ താളത്തോടെയാണ് ഫെസ്റ്റ് സമാപിച്ചത്. ശബാസ് ടി കണ്ണൂർ കലാപ്രതിഭയായും, സ്വാദിഖ് അലി സർഗ പ്രതിഭയായും തിരഞ്ഞെടുക്കപ്പെട്ടു. സമാപന ചടങ്ങിൽ ഐഷോർ പ്രിൻസിപ്പൽ സഈദ് ശാമിൽ ഇർഫാനി അധ്യക്ഷത വഹിച്ചു. അഡ്മിനിട്രേറ്റീവ് ഓഫീസർ സി പി സിറാജുദ്ദീൻ സഖാഫി അനുമോദന പ്രഭാഷണം നടത്തി. മുഹ്യിദ്ദീൻ കുട്ടി സഖാഫി, അബ്ദുൽ ലത്വീഫ് സഖാഫി പെരുമുഖം, ആശിഖ് സഖാഫി മാമ്പുഴ, ഇല്യാസ് സഖാഫി, ജാബിർ സിദ്ദീഖി അരീക്കോട്, സഫ്വാൻ നൂറാനി, റംഷാദ് ബുഖാരി, ഖാലിദ് പെരുവയൽ സംബന്ധിച്ചു.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
