കോഴിക്കോട്: ആൻജിയോപ്ലാസ്റ്റി, ബൈപ്പാസ് സർജറി തുടങ്ങിയ ഹൃദ്രോഗ ചികിത്സകൾക്ക് ശേഷവും വിട്ടുമാറാത്ത ആരോഗ്യപ്രശ്നങ്ങൾ അനുഭവിക്കുന്നവർക്കായി കാരന്തൂർ മർകസ് യുനാനി ഹോസ്പിറ്റലിൽ പ്രത്യേക യൂനാനി കാർഡിയോ സപ്പോർട്ട് ക്യാമ്പ് സംഘടിപ്പിക്കുന്നു. ജൂൺ 7 ഞായറാഴ്ച ഉച്ചയ്ക്ക് 2:30 മുതൽ വൈകുന്നേരം 5:00 വരെയാണ് ക്യാമ്പ് നടക്കുക.

ഹൃദയാഘാത ചികിത്സകൾക്ക് ശേഷവും പലരിലും കണ്ടുവരുന്ന നെഞ്ചുവേദന, ശ്വാസംമുട്ടൽ, അമിതമായ ക്ഷീണം, നടക്കുമ്പോഴുണ്ടാകുന്ന അസ്വസ്ഥതകൾ, വീണ്ടും ബ്ലോക്കുകൾ ഉണ്ടാകുമോ എന്ന ആശങ്ക എന്നിവ പരിഹരിക്കുന്നതിനാണ് ക്യാമ്പ് പ്രധാനമായും ഊന്നൽ നൽകുന്നത്. യൂനാനി മെഡിക്കൽ കോളേജിലെ പ്രൊഫസറും പ്രമുഖ സീനിയർ ഫിസിഷ്യനുമായ ഡോ. ഒ. കെ. എം. അബ്ദുറഹ്മാൻ ക്യാമ്പിന് നേതൃത്വം നൽകും.

ചികിത്സയ്ക്ക് ശേഷമുള്ള മികച്ച ആരോഗ്യപരിപാലനത്തിനായുള്ള പ്രത്യേക മാർഗനിർദേശങ്ങൾ, ഹൃദയാരോഗ്യവുമായി ബന്ധപ്പെട്ട സംശയനിവാരണം, രോഗികൾക്കായുള്ള വ്യക്തിഗത കൗൺസിലിംഗ് എന്നിവ ക്യാമ്പിന്റെ ഭാഗമായി ലഭ്യമായിരിക്കും. ഹൃദ്രോഗ ചികിത്സ കഴിഞ്ഞവരും അനുബന്ധ ബുദ്ധിമുട്ടുകൾ അനുഭവിക്കുന്നവരും ഈ അവസരം പ്രയോജനപ്പെടുത്തണമെന്ന് അധികൃതർ അറിയിച്ചു. രജിസ്ട്രേഷന്: 9562213535