കൈതപ്പൊയിൽ: ധാർമിക മൂല്യങ്ങളിലൂന്നിയ വിദ്യാഭ്യാസത്തിലൂടെ മാത്രമേ മികച്ചൊരു തലമുറയെ വാർത്തെടുക്കാൻ സാധിക്കുകയുള്ളൂവെന്ന് മർകസ് നോളജ് സിറ്റി അക്കാദമിക് ഡയറക്ടർ ഡോ. റോഷൻ നൂറാനി പ്രസ്താവിച്ചു. കൈതപ്പൊയിൽ മർകസ് പബ്ലിക് സ്കൂളിൽ സംഘടിപ്പിച്ച 2026-27 അധ്യയന വർഷത്തെ പ്രവേശനോത്സവം 'സ്പ്രൗട്ട് 2026' (Sprout 2026) ഉദ്ഘാടനം ചെയ്ത് മുഖ്യപ്രഭാഷണം നടത്തുകയായിരുന്നു അദ്ദേഹം. മർകസ് മുന്നോട്ടുവെക്കുന്നത് എപ്പോഴും ഉന്നതമായ ധാർമിക മൂല്യമുള്ള വിദ്യാഭ്യാസമാണെന്നും അദ്ദേഹം കൂട്ടിച്ചേർത്തു.

പുതിയ അധ്യയന വർഷത്തെ വരവേൽക്കാൻ വിപുലമായ ഒരുക്കങ്ങളാണ് സ്കൂൾ അധികൃതർ ഒരുക്കിയിരുന്നത്. വർണ്ണാഭമായ ചടങ്ങിൽ സ്കൂൾ പ്രിൻസിപ്പൽ സിറാജുദ്ധീൻ, അഡ്മിനിസ്ട്രേറ്റീവ് ഓഫീസർ അബ്ദുൽ ജബ്ബാർ സഖാഫി അണ്ടോണ സംസാരിച്ചു. അധ്യാപകരും രക്ഷിതാക്കളും വിദ്യാർഥികളും പങ്കെടുത്ത ചടങ്ങിൽ പുതിയതായി സ്കൂളിലേക്ക് എത്തിയ കുരുന്നുകളെ മധുരവും സമ്മാനങ്ങളും നൽകിയാണ് സ്വീകരിച്ചത്.