കോഴിക്കോട്: മുസ്ലിംലോകം ഇസ്്ലാമിന്റെ വൈജ്ഞാനിക, സാംസ്കാരിക പാരമ്പര്യത്തില് ഉറച്ചുനില്ക്കണമെന്ന് മര്കസ് റൂബി ജൂബിലിയുടെ ഭാഗമായി സംഘടിപ്പിച്ച അന്താരാഷ്ട്ര മുസ്്ലിം പണ്ഡിത സമ്മേളനം അംഗീകരിച്ച പ്രമേയം ആവശ്യപ്പെട്ടു. 22 രാജ്യങ്ങളില് നിന്നുള്ള നൂറ്റിപ്പത്ത് പ്രമുഖ പണ്ഡിതന്മാര് സമ്മേളനത്തില് പങ്കെടുത്തു. ഇസ്്ലാമിക അറിവും ജ്ഞാനവ്യവസ്ഥയും വളര്ന്നതും വികസിച്ചതും കൃത്യമായ മതകീയ ദര്ശനങ്ങളുടെ അടിസ്ഥാനത്തിലാണ്. മുസ്്ലിംലോകത്ത് പ്രശ്നങ്ങള് ഉണ്ടാവാന് തുടങ്ങിയത് മതപാരമ്പര്യത്തെ നിഷേധിച്ചുകൊണ്ട് മൗലികമായ മതകീയ രചനകള്ക്ക് സ്വന്തമായി വ്യാഖ്യാനം നല്കാന് ചിലര് ആരംഭിച്ചപ്പോഴാണ്. യഥാര്ത്ഥമായ ഇസ്്ലാമിക മാര്ഗ്ഗം പിന്തുടരുന്നവര് ഒരിക്കലും പ്രശ്നകാരികളാവുകയില്ല. സമാധാനത്തിന്റെയും സഹിഷ്ണുതയുടെയും ഇസ്്ലാമിക വഴികള് മനസ്സിലാക്കി വേണം പുതിയ കാലത്തെ സംഘര്ഷങ്ങളോട് വിശ്വാസികള് പ്രതികരിക്കാന്. മതത്തിന്റെ യഥാര്ത്ഥ സത്ത അനാവരണം ചെയ്യുന്ന ഗ്രന്ഥങ്ങള് വിസ്മൃതിയിലാകുന്ന അവസ്ഥയില്ലാതാക്കാന് പരമ്പരാഗത പണ്ഡിത കൂട്ടായ്മകളുടെ നേതൃത്വത്തില് ശ്രമങ്ങളുണ്ടാവണമെന്നും ഈ സമ്മേളനം ആ വഴിക്കുള്ള കൂട്ടായ പരിശ്രമങ്ങള്ക്ക് തുടക്കമിടുമെന്നും പ്രമേയം പറഞ്ഞു. യു എ ഇയിലെ അല്ഇത്തിഹാദ് പത്രം ചീഫ് എഡിറ്റര് മുഹമ്മദ് അല് ഹമ്മാദി സമ്മേളനം ഉദ്ഘാടനം ചെയ്തു. മര്കസ് ചാന്സ്്ലര് കാന്തപുരം എ പി അബൂബക്കര് മുസ്്ലിയാര് അദ്ധ്യക്ഷത വഹിച്ചു. സമ്മേളനത്തില് വിവിധ രാജ്യങ്ങളെയും പണ്ഡിതസഭകളെയും പ്രതിനിധീകരിച്ചുകൊണ്ട് ടുണീഷ്യന് ഗവണ്മെന്റ് മുന്വൈസ് പ്രസിഡന്റ് ശൈഖ് അബ്ദുല് ഫത്താഹ് മോറൊ, ഉസ്ബക്കിസ്ഥാനിലെ തഅ്ലീം എജ്യുക്കേഷണല് സെന്റര് ചെയര്മാന് ശൈഖ് മുഷ്റഫ് സദിയൂഫ്, ഒമാന് ഇസ്്ലാമിക വിദ്യാഭ്യാസ വകുപ്പ് സുപ്രവൈസര് ശൈഖ് യാഖൂബ് ബിന് യഹ്യാന്, സൂഫി കള്ചറല് സെന്റര് ഡയറക്ടര് മാമിന് യോങ് ചൈന, ബഹ്റൈനിലെ നിയമകോടതി ചെയര്മാന് ശൈഖ് ഇബ്രാഹീം അല്മുറൈഖി, ഇറാഖിലെ സൂഫി സുപ്രീം കൗണ്സില് മെമ്പര് ശൈഖ് മര്വാന് അലി അന്വര്, ജോര്ദാനിലെ അല്നൂറ് ഖുര്ആന് സ്റ്റഡി സെന്റര് ഡയറക്ടര് ശൈഖ് അബ്ദുല്ല മുഹമ്മദ് ഖൈറ്, ഐവറി കോസ്റ്റിലെ ഫൗണ്ടാത്തൂര് അസോസിയേഷന് പ്രസിഡന്റ് ശൈഖ് അബ്ദില് അസീസ് സെര്ബ, യു എസ് എയിലെ പ്രമുഖ പണ്ഡിതന് ഡോ. ഉസ്മാന് ശിബിലി, ന്യൂസ്്ലാന്ഡിലെ ഇസ്്ലാമിക് അസോസിയേഷന് മാനേജര് അലിഅബ്ദുല് ഖാദര്, തുര്ക്കിയിലെ മതകാര്യ വകുപ്പ് ഉപദേഷ്ടാവ് ഹോക്ക മാസൂം എന്നിവര് സമ്മേളനത്തില് സംസാരിച്ചു. മര്കസ് വൈസ് പ്രിന്സിപ്പാള് ഡോ.ഹുസൈന് സഖാഫി ചുള്ളിക്കോട് സ്വാഗതവും മര്കസ് ഡയറക്ടര് ഡോ.എ.പി അബ്ദുല് ഹകീം അസ്ഹരി നന്ദിയും പറഞ്ഞു.